Var að lesa þessa ágætu upprifjun Óla Gneista og mundi þá eftir þegar ég fyrst heyrði af því að fjármálakerfi heimsins væri byggt á tölum á tölvuskjám; allt hjóm sem ekkert væri á bakvið.

Maðurinn sem þetta fullyrti heitir Ástþór Magnússon og var þá í sínu fyrsta forsetaframboði; sennilega árið 1996?

Svo skemmtilega vill til að ég hlýddi á þessa speki með félaga Snorra Ásmundssyni, sem síðar bauð sig fram gegn Ástþóri og öðrum grísum til forsetaembættis.  Hefði betur unnið þann slag, svona eftirá að hyggja.

Þetta var í Deiglunni - sal Kaffi Karólínu á Akureyri - muni ég rétt.  Ég hef öruggar heimildir fyrir því að við Snorri kusum báðir Ástþór það skiptið.

Kaffi Karólína, fyrir þá sem ekki vita, er besta kaffihús í heimi. 

Leiðandi í þægindum.