Ég vil, í mestu vinsemd, biðja þá sem gagnrýna á þessum vef um að birta tengla á tengiskjöl og vefsíður, fremur en að líma langa texta inn í sjálft athugasemdakerfið.
Slíkt er ekki einungis betra fyrir lesendur, heldur sjálfsögð kurteisi.

Svo ekki sé minnst á það þykja afskaplega léleg vinnubrögð að líma inn langa texta og geta hvergi hvaðan gögnin koma.

Eftirfarandi er sýnishorn af þeim kóða sem til þarf til að tengja í skjal eða vef (í dæminu tengi ég á eigin vefsíðu); kóðann má nota víðar, t.d. á athugasemdakerfi Eyjunnar, svo fyrir þá sem ekki kunnu áður, er tilvalið að afrita og geyma.

Hér bendi ég á <a href="http://www.baldurmcqueen.com">eigin vefsíðu</a>.  Nú er kóðanum lokið.

Maður opnar sem sagt vísunina með eftirfarandi:

<a href="http://

Síðan er slóðin sett inn, (t.d. www.baldurmcqueen.com) og strax eftir slóðina er sett gæsalöpp og hornklofi (lokast).  Sem sagt:

">

Nú skrifar þú svo orðið/orðin sem notandinn á að smella á (í mínu dæmi "eigin vefsíðu")

Strax eftir orðið/orðin, er svo öllu saman lokað með

</a>

Annað notadrjúgt.

Venjulegt letur, en <strong>hér byrjar feitletrun</strong>

Venjulegt letur, en <i>hér er skáletur</i>

Endilega prófið að vild í athugasemdakerfinu.