Búsáhaldabylting hin fyrri hefði mátt vera vorið 2007, þegar hæstiréttur staðfesti að á Íslandi geta einstaklingar ekki brotið samkeppnislög.  Siðlausir forstjórar olíufélaganna, sem höfðu af þjóðinni gríðarlegar fjárhæðir með samkrulli og óheiðarleika, gengu úr réttarsal með bros á vör.

Enda höfðu þeir ekkert gert af sér, heldur fyrirtækin sem þeir stjórnuðu!

Forstjórarnir voru ákærðir í 27 liðum fyrir samráð og markaðsskiptingu. Héraðsdómur vísaði málinu frá 9. febrúar á þeim forsendum, öðrum fremur, að ekki væri unnt að refsa einstaklingum fyrir brot á samkeppnislögum.
(visir.is 16.03 2007)
Þarna átti þjóðin að sjálfsögðu að sýna tennurnar.  Krefjast aðgerða, lagabreytinga, ábyrgðar!  Kenna þeim sem læra þurftu, að Íslendingar sætta sig ekki við siðlausa þjófa í stjórn fyrirtækja.

En.

Á þessum tíma gekk allt bærilega og þolinmæðin meiri en í dag.  Íslendingar sættu sig við siðleysið.

Og engin lærði neitt.