Hafni Íslendingar Icesave, sem mér þykir reyndar spennandi tilhugsun, munu menn eflaust skemmta sér vel yfir lestri lánasamninga frá þeim sem starfa á gráu svæði lánveitinga.
Það held ég menn eigi eftir að verða hissa þegar þeir lesa þau ákvæði.
Hvað núverandi Icesave samkomulag varðar, má finna flestar klausurnar í kennslu- og upplýsingabókum um hvernig gera skuli heiðarlega lánasamninga.
Það held ég menn eigi eftir að verða hissa þegar þeir lesa þau ákvæði.
Hvað núverandi Icesave samkomulag varðar, má finna flestar klausurnar í kennslu- og upplýsingabókum um hvernig gera skuli heiðarlega lánasamninga.
The international handbook of corporate finance / Brian J. Terry
Tilvísa
Furl
Facebook
Vista PDF
Prenta
Senda
Bretar eru að ljúka við að neyða upp á Íslendinga skuldbindingum sem ekki eiga sér traustari lagagrundvöll en svo að þær má alls ekki fara með fyrir dóm.
Trúir einhver því eftir þessa útreið að breskur hnefaréttur geti ekki haft nein áhrif á það hvernig þessi ákvæði munu koma út í praxis?
Annars merkja svona stöðluð ákvæði ósköp lítið í venjulegum lánasamningum þar sem lánið er innan marka greiðslugetu ríkisins. Þau hafa allt aðra merkingu þegar kemur að láni sem að líkindum verður ekki hægt að borga nema að lífskjör verði keyrð niður á Albaníustig.
Greiðsluþrot er raunhæfur möguleiki núna og það verður að skoða það mjög vel hvað gerist ef svo fer.
Ekki láta þér detta í hug að hætta skrifa and-þjóðrembu greiningu þína.
Hún sýnir mikinn styrk og karakter. Vinur er sá er til vamms segir.
Við Íslendingar þurfum meira á gagnrýni nú að halda en nokkru sinni fyrr því nóg er af "já" fólki og aumingja við liði.
Það eru ALLIR lýðskrumarar landsins í þeirri deild núna.
Sjálfur skrifa ég ekki undir nafni vegna þess að ég bý á Íslandi og verð fyrir aðkasti ef ég geri það ekki.
Skoðanir mínar falla ekki að fjöldanum og lýðskrumurunum landsins.
Þeta sýnir að Íslendingar hafa ekkert lært af hruninu því þeir eru jafn blindir á sjálfa sig, ábyrgð sína og gjörðir eftir sem áður.
Það eina sem hefur breyst er að nú eru allir útlendingar hálfvitar og í herferð gegn lítilli varnarlausri þjóð og íslenskir viðskiptamenn eru ALLIR glæpamenn (áður voru þeir hetjur).
Við vorum, þjóðin, vorum alsæl á meðan svikamillan gekk upp og þolum EKKI að vera kallaðir þjófsnautar sem er það sem við vorum í raun. Við viljum líka að aðrir beri ábyrgð á okkur þegar illa gengur.
Fyndið þjóð kannski en sorgleg um leið.
Ef menn hefðu verið vakandi áður og haft smá snefil af gagnrýnni hugsun þá hefðu þessar hörmungar aldrei getað átt sér stað í þeim mæli sem þær urðu.
Almenningur allur telur sig EKKERT hafa gert rangt og ekkert hafa vitað og aldrei hafa fengið neitt út úr falska góðærinu.
Það er lygi. Nánast enginn kvartaði og allir lifðu blekkinguna í botn. Við vorum klárust, best, ríkust. Ísland stórasta þjóð í heimi- dæmið.
Ég held að allt þetta sem er að gerast verði til góðs því þetta er nauðsynleg en sársaukafullt þroskaferli sem við sem þjóð þurfum að ganga í gegnum.
Siðferðiskennd þjóðarinnar er líka á frumstigi eins og kemur fram í allri umræðu varðand til dæmis Ice-Save og mat þjóðarinnar á eigin gjörðum.
Ég veit (eins og allir sem vilja vita) að við bæði verðum og eigum að skrifa undir þessa samninga. Ef við gerum það ekki þá fyrst byrjar hér alvöru djöfull og dauði.
Mitt mesta áfall síðan í október 2008 er að sjá hversu þjóðin er illa menntuð, með slæmt siðferði og hrokafull.
Það er verið og það á að kenna svona fólki lexíu.
1) Leiðrétting: In practice segir HANN. Vitnað er í eina af mörgum bókum sem fjalla m.a. um WoSI. Bókin er sem sagt ekki rituð af breskum stjórnvöldum, þó það myndi henta vænisýki þinni ágætlega :-)
2) Það að Bretar og Hollendingar séu illfáanlegir í dómstóla með málið, er ekki sönnun þess málið myndi ekki vinnast. Að halda því fram sýnir töluverðan vanskilning á heildarmyndinni.
Þann vanskilning sýnir þú reyndar ágætlega í athugasemd við síðasta blogg.
3) "Breskur hnefaréttur". Gildishlaðið og ljóst hverju setningin á að skila. Frekar aumt?
4) Greiðslugeta. Ef 400 milljarðar falla á Ísland (15 ár), eru þetta um 220 krónur á dag á hvern einstakling (með þeim fyrirvara að breiðustu bökin/fyrirtæki munu bera mestu byrgðarnar.
Breskur almenningur hefur þegar gerst ábyrgur fyrir mun hærri upphæðum (já, miðað við höfðatölu); meira að segja þó við horfum bara á Loyds og RBS.
Í heild (bara bankakerfið) ábyrgist breskur almenningur ríflega 800 krónur á dag, per mann (m.v. greiðslu á 15 árum).
TRUTH
Takk kærlega. Ég skammast mín ekkert fyrir að kunna meta jákvæða gagnrýni :-)
Greining þin er svo svipuð og hliðarsjálf hafi ritað (en ég myndi aldrei viðurkenna það, því þá myndu lesendur móðgast).
*hóst*
Þetta eru smápeningar fyrir Breta og Hollendinga, kannski nokkur hundruð milljónir, sem þeir eru hvort eð er búnir að borga.
Það mun enginn nenna með þetta í mál og gleymist eftir sex mánuði. Lánshæfismatið mun hækka strax og krónan styrkjast.
2)Það eru samt sem áður meiri líkur á því en minni að málið vinnist og niðurstaðan getur ekki orðið verri miðað við þær forsendur sem Bretar og Hollendingar byggja kröfur sínar á. Ef við sýnum að við séum tilbúin að taka til varna þá munum við hafa samningstöðu til að spila úr.
3) Viltu meina að Bretar hafi bara alls ekkert brúkað hnefaréttinn í þessari deilu?
4) Þarna ertu að bera saman
a) skuldum innanlands og í eigin mynt við erlendar skuldir í annarri mynt. Vextirnir af höfuðstól þessarar skuldar nema tæpum 10% af útflutningstekjum Íslands. Einungis vnaþróuð lönd eru með svona skuldasamsetningu.
b) ábyrgðum sem ekki þarf að standa undir nema að hluta. Það er ekki inni í myndinni að Bresk stjórnvöld fari að greiða allar þær upphæðir sem þær hafa ábyrgst til að reyna að verja bankakerfið allsherjar falli ef að allt bankakerfið fellur.
Annars gæti ég svo sem fallist á að ídealt bæri Íslensdingum að bæta þann skaða sem m.a slælegt eftirlit á Íslandi hefur ollið. Ídealt bæri Bretum líka að bæta allan þann skaða sem þeir hafa valdið hér og þar um jarðarkringluna á síðustu öldum.
Hvorgu er hinsvegar gerlegt án þess að leggja ómældar byrðar á sakleysingja. Við höfum allan siðferðilegan rétt til þess að verjast manndrápsklyfjum af þessum toga.
E.s Þar sem ég mun hafa komið hugtakinu "and-þjóðrembu" í umferð í þessu athugasemdakerfi þá vil ég útskýra það. Hugtakið merkir sem sagt öfuga þjóðrembu en ekki andstöðu við þjóðrembu. Öfug þjóðremba er jafn vitlaus og hugsunarlaus og sú venjulega.
Gagnvart icesave skuldunum er ekkert svona lagað í boði, við verðum að framleiða meira af vörum og þjónustu og selja erlendis upp í þessar skuldir - eða draga úr innflutningi, eða hvorutveggja. Síðustu mörg ár hefur afgangur af viðskiptum við útlönd heyrt til undantekninga. Allra síðustu ár var stöðugur halli á þessum viðskiptum svo nam hundruðum milljarða á ári. Núna eru þessi viðskipti enn í stórum mínus á fyrsta ársfjórðungi þó að gríðarlega hafi dregið úr innflutningi. Vonast er til að þetta dæmi geti náðst niður í núll á næsta ári eða þarnæsta. Við þau skilyrði að innflutningur verði þá við frostmark. Þessi viðsnúningur stafar atvinnuleysi upp á 10-20%. Útflutningsgreinar hefur alltaf tekið langan tíma að byggja upp, jafnvel illa, jafnvel alls ekki á köflum. Staðan gagnvart útlöndum í dag er síðan þannig að skuldasúpan virðist á mörkum hins mögulega. Hvar eigum við að finna tugi milljarða í afgangi af viðskiptum við útlönd rétt sisvona þegar megnið af tekjunum fer nú þegar í afborganir og vexti eftir hagstjórnarslys síðustu margra ára?
Þetta er staðan, þeir sem voga sér að kalla ágreining um lýðskrum í mín eyru afhjúpa sig í þann hóp sem skilur ekki efnahagsmál. Hann virðist reyndar vera ótrúlega stór.
Þetta er staðan, þeir sem voga sér að kalla ágreining um ICESAVE lýðskrum í mín eyru afhjúpa sig í þann hóp sem skilur ekki efnahagsmál. Hann virðist reyndar vera ótrúlega stór.
Kv.
-
Tekið skal fram að þeir peningar sem dælt hefur verið inn í breska fjármálakerfið eru ekki einungis "innlendir".
Hvað um það.
Of seint að vera snillingur eftirá.
a) Gangið að Icesave - betra verður að semja um möguleg vandamál síðar sem heiðarleg, stolt þjóð.
b) Hafnið Icesave - æ, mér er eiginlega alveg sama. Finnst það eiginlega meira freistandi möguleiki. Ég er forvitinn djöfull.
Bretar og skuldir síðustu alda (he he he). Góður Hans :-)
Ég hafði ekki hugsað mér að vera ósanngjarn. Línuna má draga við ca. 1920.
Það er má byrja á að gera upp við Indverja.
Eða er það bara sanngjarnt að íslensk börn greiði fyrir syndir feðra sinna?
Kv.:)
Því miður lagðist svo þessi bæn af, en kannski hefði hún einmitt dugað til að bjarga Bretum frá Icesave. Hinir stoltu víkingar 21. aldar réðust hins vegar fyrst og fremst á banka og stórbusiness (klaustur og kirkjur kapitalismans) af því að þar var helst gull að finna!
Ég held það væri heillaráð, þegar íslensku bankarnir fara að hjarna við og eru aftur komnir í einkaeign, að leggja á þá sérstakan, varanlegan Icesave skatt til samfélagsins. Þessir fjármunir kæmu sér vel og skatturinn væri stjórnendum bankanna sífelld áminning um afleiðingar fífldjarfrar glæframennsku og óheftrar græðgi í stjórnun fjármálastofnana.