Samkvæmt nýjustu fylgiskönnun YouGov gæti Gordon Brown orðið næsti forsætisráðherra Breta.  Aftur.  Tveir stærstu flokkarnir eru nær hvor öðrum en þeir hafa verið í tvö ár. 

Cameron á erfitt þessa dagana; kjósendur eru að missa trú á flokknum og innanflokksátök eru vegna stefnubreytinga sem mælast misvel fyrir.  Cameron virkar ekki sannfærandi.

Undarlegt er þó að Verkamannaflokkurinn sé á uppleið.  Síðasta vika var full af viðkvæmum málum, sér í lagi fyrir Brown, sem maður hefði haldið myndu skila sér í einhverju falli.  En svo var ekki.

Frjálslyndir demókratar mælast á svipuðum stað og síðustu vikur - eða í 17%.

Nú bíður maður spenntur eftir kappræðunum sem búið var að lofa, en gætu gufað upp.

Tilvísa Furl Facebook Vista PDF Prenta Senda