Polly Toynbee (Guardian) bendir á þetta ágæta tól sem sýnir grófa skiptingu þingsæta í Bretlandi, miðað við fjölda atkvæða sem flokkarnir koma til með að fá.

Á þessu sést glögglega að Frjálslyndir demókratar eiga ekki möguleika á meirihluta á þingi.  Til þess yrði fylgið að fara vel yfir 40%, samhliða gríðarlegu fylgistapi stóru flokkanna.

En grein Toynbee er fráleit.

Hún rökstyður í löngu máli, með tilvísun í áðurnefnt tól, að fólk eigi að kjósa Verkamannaflokk vilji það breytingar á kosningakerfinu.  Þarna tekst henni að horfa framhjá 13 ára tímabili, hvar tækifæri gáfust til úrbóta.

Ég held þvert á móti að mikið fylgi Frjálslyndra demókrata, samfara litlu fylgi við Verkamannaflokk, muni stórauka líkurnar á að kerfið verði tekið til endurskoðunnar.

Því þannig verður óréttlætið í úthlutun þingsæta æpandi og kjósendur munu krefjast úrbóta.

Vilji Toynbee að fólk kjósi Verkamannaflokk, ætti hún að hamra á efnahagsstefnu Brown, því þar má vissulega finna góða hluti.

Fullyrðingu um að Brown muni breyta kosningakerfinu tekur engin trúanlega.

Tilvísa Furl Facebook Vista PDF Prenta Senda