Emily Bell, hæstráðandi vefútgáfu Guardian, mun láta af störfum innan skamms og hefja störf hjá Tow Center for Digital Journalism, sem er nýstofnuð deild innan Columbia háskóla í New York.

Að sögn Private Eye gleðjast margir yfir þessu, því Bell hefur ávallt viljað halda vefútgáfunni ókeypis - og þá stefnu hefur Alan Rusbridger, ritstjóri, samþykkt.

Hingað til.

En Guardian tapar um 20 milljónum íslenskra króna á hverjum degi og kaupendum fer fækkandi.  Sala prentútgáfu Guardian hefur fallið um 17%, samkvæmt yfirliti marsmánaðar, og 23% ef litið er til Observer.

Margir eru nú farnir að efast um "sjálfsmorðsstefnu" Rusbridger.

Hugsanlega er því skammt að bíða Guardian/Observer fari að rukka fyrir efni sem birtist á vefnum.

Þar myndi blaðið feta í fótspor The Times og The Sunday Times, sem rukka fyrir vefútgáfur frá og með júní, næstkomandi.

Tilvísa Furl Facebook Vista PDF Prenta Senda