Ég sé Ögmundurarmur VG er um það bil á sama stað og hann hefur verið síðustu mánuði.  Í vinsældaleit á sem flestum vígstöðvum.

Ögmundur klófestir aðdáun til hægri fyrir að vera hæfilega á móti Icesave samkomulagi, en sinnir vinstri vinsældum með því að hleypa ekki öðrum flokkum að.

Þeir sem alfarið vilja hafna Icesave, eða gera mun ítarlegri kröfur, fá ekki til þess tækifæri meðan Ögmundur púkkar upp á stjórnina.  En um leið og Ögmundur ver stjórnina falli, vinnur hann kröftuglega gegn því hún nái árangri - og virðist vilja gera mun ítarlegri kröfur.  Hvílík endaleysa.

Þetta finnst (mörgum) kjósendum óskaplega smart og til vitnis um gífurlegan heiðarleika Ögmundar.

Það sem Steingrímur J. Sigfússon þarf að gera núna, er að setjast niður með Ögmundararmi VG og fá greiningu á stöðunni.  Hvað, nákvæmlega, vill það fólk fá úr samningaviðræðum?  Hvað sættir það sig við - og hvað ekki?

Ef Steingrímur metur kröfur þeirra óraunhæfar, ber honum að ljúka þessu stjórnarsamstarfi.  Þjóðin á þetta ekki skilið.

Ögmundur mun aldrei gera slíkt að eigin frumkvæði.

Því það yrði erfið ákvörðun og óvinsæl meðal margra.

Tilvísa Furl Facebook Vista PDF Prenta Senda